Шашин дахь Арьяабалын Аргын ул мөр – Дотоод Диваажингийн Аялгууг ажихуй

АЙ, ХУМХЫН ТООСНЫ ҮР МИНЬ! Миний гоо үзэсгэлэнг харахын тулд нүдээ халхална уу. МИНИЙ ДУУ ХООЛОЙНЫ УЯНГАЛАГ АЯЛГУУГ СОНСОХЫН ТУЛД ЧИХЭЭ БӨГЛӨНӨ ҮҮ. Миний мэдлэгээс хүртэхийн тулд сурсан бүхнээ хоосолно уу. Миний өнө мөнхийн баялгийн далайгаас ашид хүртэхийн тулд эд баялгаас өөрийгөө ариусгана уу.”

~ Бахаулла (цагаан хоолтон)-гийн Нууц үгс

“Бидэнд зориулан эд материалын адислал, оюун санааны хишгийг аль алиныг нь бий болгосон Бурханд талархах ёстой. […] Дууны аялгууг мэдрэг гэж Тэрээр гадаад чихийг бүтээсэн билээ. ХАРИН ДОТООД ЧИХЭЭРЭЭ бид БҮТЭЭГЧИЙНХЭЭ ДУУ ХООЛОЙГ СОНСОЖ ЧАДНА.”

~ Абдул Баха (цагаан хоолтон)-гийн Орчлон ертөнцийн Амар амгалангийн сонордуулга

“Ихийг сурч мэдэх сонирхолтой бүлэг хүмүүс, нөхцөл ёсоор гэгээрсэн хүмүүс, мөн АЯЛГУУ СОНСДОГ хүмүүс одоо дээд Боди, харьцуулшгүй, гайхалтай гэгээрэлд хүрэхээр зорин бодол сэтгэлийг тань эргүүллээ.”

~ Баатараа явагч нэрт их хөлгөн судар

“Би одоо Дэлхийн Хүндэт Хүмүүнд энэ дэлхий дээрх бүх Будда өргөн хүрээтэй НЭВТ ТАРХСАН АЯЛГУУ ашиглахад оршдог хамгийн зохистой аргыг заахаар залардаг гэдгийг мэдэгдье. Самади төлөвийг СОНСОХ арга замаар ойлгоно. […] Ананда болон сонссон та бүгд ДАНГААРАА ДЭЭД БОДИД ХҮРЭХ ӨӨРИЙН МӨН ЧАНАРЫГ СОНСОХЫН ТУЛД сонсголын чадвараа дотогшоо эргүүлэх хэрэгтэй. Ингэж л гэгээрлийг олж авдаг. Ганга мөрний элс шиг олон Будда ганц энэ л гарцаар Нирвана руу нэвтрэн орсон. Өнгөрсний бүх Татагата энэ аргыг хэрэгжүүлсэн. Бүх Бодисадва одоо энэхүү төгс төгөлдөр байдалд нэвтэрдэг. Ирээдүйд бясалгал хийх бүх хүн энэ Дармад найдах хэрэгтэй.” Самади гэдэг нь бясалгалын гүн гүнзгий төлөв юм. Нирвана бол хамгийн дээд диваажин гэсэн утгатай. Татагата нь Будда гэсэн үг юм. Бодисадва гэдэг нь оюун санааны бясалгагчдыг хэлнэ. Дарма гэдэг нь жинхэнэ сургаал юм.

~ Баатараа явагч нэрт их хөлгөн судар

“[Ёслолын үеэр] Мял Богд бумбад хандан `Одоо би дэндүү өтөлжээ. Өөрөө тэдэнд авшиг хүртээнэ үү.` гэв. Үүний дараа бумба тэнгэрт нисэн бүх шавь нарт нэг нэгээр нь авшиг хүртээжээ. Энэ үеэр [ТЭД БҮГД] тэнгэрт ТЭНГЭРЛЭГ АЯЛГУУ СОНСОН, өмнө хэзээ ч үнэртэж байгаагүй анхилуун үнэр үнэрлэв. Тэд мөн тэнгэр огторгуйгаас унаж буй цэцэгс хийгээд олон гайхамшигтай, өлзийтэй тэмдэг харж гэнэ. Шавь нар бүгд Авшгийн мэргэн утгыг бүрэн ойлгож ухамсарлажээ.”

~ Мял Богд (цагаан хоолтон)-ын Зуун мянган дуулал

“Эхэндээ ҮГ байсан. Үг Бурхантай хамт байсан. Үг бол Бурхан байсан.”

~ Ариун Библи, Иохан 1:1

“БУРХАНЫ ҮГ болох авралын дуулга, сүнсний илдийг ав.”

~ Ариун Библи, Ефес 6:17

“Харин би ДИВААЖИНГААС шуугин урсах ус нүргэлэх лугаа, аянга хүчтэй нижигнэх лугаа АЯЛГУУ СОНСЛОО. МИНИЙ СОНССОН АЯЛГУУ тэдний босоо ятга хөгжим тоглодогтой адил байсан.”

~ Ариун Библи, Илчлэл 14:2

“Би бол төрөл бүрийн АЯЛГУУНЫ авиа, олон янзын дүр төрхийн ҮГ билээ. Би бол АЯЛГУУНЫ нэр, нэрийн АЯЛГУУ билээ.”

~ Наг Хаммади, VI судар, Аянга, Төгс бодол сэтгэл

“Би бол илэрхийлэхийн аргагүй Нам гүмд орших ҮГ билээ. Би цэвэр ариун Гэрэлд оршдог ба АГУУ АЯЛГУУГААР дамжуулан Бодол сэтгэл өөрийгөө ойлгомжтой илэрхийлжээ.”

~ Наг Хаммади, XIII судар, Триморфийн протенноиа

“ЭЦГИЙН ЕРТӨНЦИЙН ОЮУН УХААН Түүний зүрх сэтгэлийн үр жимс, хүсэл зоригийн илэрхийлэл болон Бүгдийн дотор орж соёолдог. Энэ нь Бүгдийг дэмждэг. Энэ нь Бүгдийн хэлбэрийг сонгон, бий болгож, бас ариусган, Эцэг, Эх рүү, хамгаас хайрт Есүс рүү буцаан очуулдаг.” Ертөнцийн оюун ухаан гэдэг нь Үг юм.

~ Наг Хаммади, XII судар, Үнэний Сайн мэдээ

“Тэгээд та АРИУН АЯЛГУУНЫ УРСГАЛЫГ чих рүүгээ оруулах болно. Учир нь энэ зөвхөн нам гүм байдалд л сонсогдоно. […] Хэрэв та үүнийг мэддэг байсан бол энэ нь БУРХАНЫ ДУУ ХООЛОЙ юм. Учир нь бичигдсэнчлэн эхлээд АЯЛГУУ байсан, АЯЛГУУ Бурхантай хамт байсан, АЯЛГУУ БОЛ БУРХАН байсан. […] Энэ бол оддын хонгилыг нэвт гаран, Тэнгэрлэг Эцгийн хязгааргүй хаант улсыг туулагч АРИУН АЯЛГУУНЫ УРСГАЛ юм. Энэ нь бидний чихэнд ямагт байдаг, тиймээс бид үүнийг сонсдоггүй. Үд дундын нам гүм байдалд үүнийг сонс, үүнд умба, АРИУН АЯЛГУУНЫ УРСГАЛТАЙ нэг болох хүртлээ Бурханы хөгжмийн хэмнэлийг чихэн дотроосоо хай. […] АЯЛГУУНЫ УРСГАЛААР угаагдах болно, мөн үүний усны хөгжим аялгуу дээгүүр тань урсах болно. Учир нь он цагийн эхэнд бид бүх бүтээлийг бүтээгч АРИУН АЯЛГУУНЫ УРСГАЛААС хүртдэг байв. Аялгууны Урсгалын хүчтэй нүргээн бүх биеэр тань дүүрч, харин та хүч чадлынх нь өмнө чичрэх болно. Дараа нь агаарын сахиусан тэнгэрээр гүнзгий амьсгалаад, өөрөө Аялгуу болоорой. Тэгвэл АРИУН АЯЛГУУНЫ УРСГАЛ өөрийг тань дэлхийн хэмнэл өсөж, буурдаг газар болох Тэнгэрлэг Эцгийн хязгааргүй хаант улсад хүргэх болно.”

~ Эссене Энх тайвны Сайн мэдээ

“Чавхдас дуугарахад геометр бий. Бөмбөрцгийн орон зайд ХӨГЖИМ бий.”

~ Пифагор (веган)

“Сиддхасана (байрлал)-д байгаа, Вайшнави-Мудрагаар бясалган дадуулдаг иогчид ДОТООДЫН АЯЛГУУГ үргэлж сонсох хэрэгтэй […] Бясалган дадуулж буй Аялгуу нь түүнийг гаднын бүх дуу чимээг сонсохгүй (гэх мэт) болгодог. Бүх саад бэрхшээлийг даван туулж, тэрээр арван таван өдрийн дотор турия төлөв рүү ордог.” Иогчид гэдэг нь оюун санааны бясалгагчид болой. Турия нь оюун санааны дээд ухамсар болой.

~ Нада Бинду Упанишад

“Эхлээд бодол сэтгэл ямар нэг Аялгуунд өөрийгөө тогтвортойгоор төвлөрүүлж, үүндээ автан шингэдэг. […] Ганцаараа бал цуглуулж буй зөгий үнэрийг үл тоодог шиг ямагт АЯЛГУУНД автсан ситта надагийн анхилуун үнэрт баригдан, өөрчлөгдөж сарних чанараа орхисон тул мэдрэхүйн юмсыг хүсдэггүй. […] Байнга НАДА ДЭЭР ТӨВЛӨРСНӨӨР Пранатай хамт үйлийн үрийг үүсгэгч таашаалыг устгасан бодол сэтгэл толбогүй Нэгэнд шингэлээ.” Ситта нь анхаарал гэсэн утгатай. Нада нь чамин тансаг дотоодын Тэнгэрлэг Аялгуу юм.

~ Нада Бинду Упанишад

“Түүнийг [Их Эзнийг] сонсоно гэдэг нь ХЭТИЙДСЭН АЯЛГУУНЫ ХЭЛБЭЛЗЛИЙН явцад Түүнтэй шууд холбоо барихыг хэлнэ. Хэтийдсэн Аялгуу нь бүх материаллаг дур хүслийг арилгах замаар нэгэн зэрэг үйлчилдэг тул маш их үр дүнтэй. …”

~ Шрила Прабхупада (цагаан хоолтон)

“Аллахаас өөр хэн ч хүндлэгдэн шүтэгдэх эрхгүй.` гэж хэлэх замаар бөхгөр хүмүүсийг шулуун болгон, үүгээр ХАРАЛГАН НҮД, ДҮЛИЙ ЧИХ, боолттой зүрх сэтгэлийг нь НЭЭХ ХҮРТЭЛ түүнд (Бошиглогчид) Аллах үхэхийг нь зөвшөөрөхгүй.”

~ Хадит 3:335

“Бүх ертөнц БУРХАНЫ ГЭРЭЛ, АЯЛГУУГААР дүүрэн байдаг. Харалган хүмүүс Бурхан хаана байгааг асуусаар л байна. Омог бардам, үл итгэгч хулхиар дүүрсэн чихээ цэвэрлэ. Тэгвэл дээрх Диваажингаас ирэх Аялгууг бүх чиглэлд сонсох болно. БУРХАНЫ БҮРЭЭНИЙ УЯНГАЛАГ АЯЛГУУ ТАСРАЛТГҮЙ ЦАНГИНАХ үед бид шүүлтийн өдөр Бурханы бүрээ эгшиглэхийг яагаад хүлээдэг нь нууц юм.”

~ Моголын хунтайж Мухаммед Дара Шикох (цагаан хоолтон)

“Мозис энэ АЯЛГУУГ Синай Уулан дээр Бурхантай холбогдож байхдаа сонсжээ. Мөн адил утгатай ҮГ Христийн шашинд байдаг бөгөөд онгон байгаль дахь Түүний Тэнгэрлэг Эцэг гэсэн утгад шингэсэн байдаг. Гималайн агуйд Шива самадид байхдаа адил Анахад НАДА сонсож байжээ. Кришнагийн лимбэ бол адил Аялгууг бэлгэдэж байгаа юм. ЭНЭХҮҮ АЯЛГУУ нь дотоодоосоо танигдсан Их Багш нарыг бүхий л талаар илтгэх ҮНДЭС СУУРЬ нь байдаг. Ийм л учраас Тэд нэг л ижил үнэнийг мэддэг бөгөөд зааж сургадаг.”

~ Хазарат Инаяат Хан (цагаан хоолтон)

“Махан биеийн чих эдгээр үгийг сонсож чадна. СҮНСНИЙ ЧИХ нь Бурханы нууцыг татаж чадна.”

~ Мавлана Жалалуддин Руми (цагаан хоолтон)

“Аяа Саади, дүлий байтлаа хөгжмийн талаар ярьж яахин болох. Нууцыг дуулах СҮНСНИЙ ЧИХ хэн бүхэнд хэрэгтэй сэн.”

~ Саади Ширази

“Хэн өөрийгөө (эго) хамгийн бага болтол орхиж чадсан байна тэр л СҮНСНИЙ ЧИХЭЭРЭЭ Бурханы ҮГ-ийг сонсож чадна.”

~ Нишапурын Аттар

“Үнэнхүү туйлынх нь ТЭНГЭРЛЭГ НАЙРАЛ ХӨГЖИМ юм. Аяа Хусро, иогчийн шингээсэн эдгээр арван аянд энэ оршин буй. Мэдрэмжүүдээ намжааж оюун бодлоо амрааж Хусро хэлэх нь; Дотоодын хязгааргүй ундарга хөгжин сайжрахад Махан биеийн бүхий л урин тачаангуй болон адгийн нүглүүд замхран одно. Их Багш мөн Өөрийн гайхамшигт үгтэй ажгуу. Хусро ч мөн өөрийн Би-дээ гүнээ умбан байна.”

~ Хазрат Амир Хусро

“Аяа Даяанч аа! САНСРЫН ОМ АЯЛГУУНД БЯСАЛГАГТУН. Учир нь энэ нь эгээ л зовлонгийн галын унтраагч бороо адил билээ. Мөнхүү нууц сургаал номын нарийн мөн чанарыг илтгэх гэрэл лугаа адил юм. Энэ бол сайн үйлсийн зохицуулалт юм.”

~ Ариун Жнанарнава

“[…] Хүмүүн зөвхөн талх идэж амьдардаггүй. Эзний амнаас гарсан ҮГ БҮРЭЭР хүн амьд явдаг юм.”

~ Ариун Торах Д’варим (Дютерономи)

“САБД, АЯЛГУУНЫ УРСГАЛ, ҮГ ЭСВЭЛ АРИУН СҮНС зэрэг нь хэлэх, эсвэл ярихын матери ойлголт биш юм. Үүнийг ойлгуулахын тулд бид энэ төдийгөөр л тодорхойлж хэлж чадах бөгөөд нэг үгээр бол Эзний мөн чанар бөгөөд үүнд сая сая ертөнцийн болон шашнууд агуулагдаж байгаа. Энэ бол ухамсарт сүнсний урсгал юм Энэ бол ТЭНГЭРЛЭГ АЯЛГУУ юм. Энэ бол Эзнээс үүдэн гарч бүх зүйлд шингэдэг амьдралын урсгал юм. Эзэн агуу хүчит урсгалаар бүхэл ертөнцийг бүтээн оршин тогтнуулж байдаг билээ. БҮХ ЗҮЙЛД ШИНГЭДЭГ ЭЗНИЙ ЭНЭ УРСГАЛУУД яг л радио долгион мэт юм. Түүний ТЭНГЭРЛЭГ ХӨГЖИМ бүх орон зайг дүүргэдэг. […] Сабд бол хүн бүрийг, бүх зүйлийг Эзэнтэй холбодог утас юм.”

~ Их Багш нарын гүн ухаан

“Хүмүүн төрлийг олж төрөөд золоор АЯЛГУУНЫ УРСГАЛТАЙ холбогдон үүнийг дадуулах нь агуу зүйл юм. Тэр бол зонхилогчийн зонхилогч байж Бүтээгчтэй нэг байх болно.”

~ Хазур Махараж Баба Саван Синх Жи (цагаан хоолтон)

“Энэ ҮЛ ТӨГСӨХ АЯ ЭГШИГ бол гайхамшиг юм. Үүнийг бид бодол сэтгэлийн үйл явц юм уу үйлдлээр олж авах боломжгүй. Энэ нь зөвхөн Их Багшийн ивээлээр ирэх билээ. Энэ бол төгс Их Багшийн төгс бэлэг билээ.”

~ Их Багш нарын гүн ухаан

“ҮГ-тэй нэг болсноор бүхий л эрдэм чадлыг оршоож чадна; ҮГ-тэй нэг болсноор Пир буюу нэгэн сүнслэг хаан Шейхтэй нэг болно; ҮГ-тэй нэг болсноор сүнслэг харалганууд Үнэний зам мөрөө олох болно; ҮГ-тэй нэг болсноор хуурмаг материйн Хязгааргүй Далайн чанадад гардаг; Аяа Нанак! Түүний дагагчид туйлын баяр жаргалд үүрд оршиж ҮГ тэдний бүх нүгэл зовлонг угаан ариусгадаг ажээ.” Пир гэдэг нь Гэгээнтэн болой. Үг гэдэг нь Дотоодын Тэнгэрлэг Аялгуу болой.

~ Ариун Шри Гүрү Грант Сахиб

“Эзэн бол агуу хийгээд Түүний оршин буй нь агуу; Үүнээс ч агуу нь Түүний АРИУН ҮГ билээ.”

~ Ариун Шри Гүрү Грант Сахиб

“Гүрүгийн ШАБАДЫН үгээр бодол сэтгэлээ ялж гарсан нэгэн л жинхэнэ гэртээ очиж Чөлөөлөлд хүрч чадах юм.” Сабад гэдэг нь Дотоодын Тэнгэрлэг Аялгуу бөлгөө.

~ Ариун Шри Гүрү Грант Сахиб

“ТАО гэдэг нь мөнхийн Таогийн тухай биш байж болно. Энэхүү НЭР (үг) нь үүрд мөнхийн НЭР биш байж болох юм. Диваажин болон газар дэлхийн эхлэл нэргүй (ҮГгүй). Энэ НЭР нь арван мянган юмсын эх билээ.”

~ Тао Тэ Чин

“[Хааны буянтай хүмүүн] түнэр харанхуйд харж, аниргүйд сонсдог. Харанхуйн дунд ГЭГЭЭГ гагцхүү тэр л ҮЗЭЖ, аниргүйн гүнд АЯ ЭГШГИЙГ тэр л СОНСОНО.”

~ Чуан Цу (цагаан хоолтон)

“АЯЛГУУ урсан цацрах нь хавар ичээнээсээ гаран хөдөлж эхлэх шавжуудыг аянгын салаагаар би цочроох мэт. Гэвч энэ бүхний төгсгөлд шийдэл гэж үгүй, эхлэлд удиртгал гэж үгүй. Үхэл нь одоо, амьдрал нь одоо, одоо уруудаж, одоо сэхэж, энэ бүхэн тогтвортойгоор эцэс төгсгөлгүй ээлжилнэ.”

~ Чуан Цу (цагаан хоолтон)

“АЯЛГУУ нь долгиолсон бас хэмнэлтэй. Давтамж нь сүр жавхлантай хийгээд тод. Иймийн тул сүнс, хий үзэгдлүүд харанхуйдаа оршин нар, сар, одод, эрхэс тойрог замаараа эргэлдэнэ. Энэ бүхнийг би эцэс төгсгөлд нь зогсоож мөн бас хязгааргүй хөдөлгөөнд нь оршооно.”

~ Чуан Цу (цагаан хоолтон)

“Тэрээр олон янзын чимээг сонсохоо больсон нь магад гаднах чимээ бүрийг үгүйсгэх НЭГ – ДОТООДЫН АЯЛГУУГ ажих болсных буй за. Тийн гагцхүү энэ ч бус үнэн бусын Асат мужийг орхих болж, үнэний Сат ертөнцөд ирэхээр болжээ. […] Ингэснээр СҮНС СОНСОЖ бас санах болно. Мөнхүү дотоодын чих ярих болно – АНИРГҮЙН ДУУ ХООЛОЙ…”

~ Аниргүйн дуу хоолой Хатагтай Х.П.Блаватский (цагаан хоолтон)

“Нэгэн өдөр ЧИХ ОНГОЙН одоогийн сонсож байгаагаасаа жаал илүү бас чанадыг сонсох болж бүхэл ертөнц даяараа ямарваа зүйлс тодорхой авианы хөдөлгөөнд оршдог гэдгийг мэдэж авах болно. Гол горхи, модод, навчис бүхний гаргасан ШИДЭТ ХӨГЖМИЙГ та дэлхийн нэг захаас нөгөөг хүртэл СОНСОН ДУУЛЖ амьдралын дотоод утга учрыг тийнхүү танин мэдэх болно. Христ мөн дахин амилснаараа танд энэхүү концертын танхимыг танилцуулахыг хүссэн билээ. Тэр таны өмнөөс төлж өгнө. Тэр та нарт бүх тасалбарыг авч өгнө. Харин танд энэхүү танхимд орж тэрхүү тоглолтыг үзээд ТЭНГЭРЛЭГ ХӨГЖМИЙГ сонсох чих байх сан болов уу?”

~ Их Багш Бэинса Дуно (цагаан хоолтон)

“Мөн бид СОНСОХЫН тулд (бидний залбирлыг сонсдог), тэрхүү өршөөлийн төлөө, хүндлэлийг СОНСОХЫН төлөө (бидний хэлсэн), магтаал буюу тэрхүү өршөөлийн төлөө (бидний өргөлийн хариу) бид золиос гаргадаг.”

~ Авеста, Висперад 21

“Бидний Авеста залбирал нь долгионы шинжлэх ухаанд суурилсан юм (Стаота Яасна). Бид өөрсдийгөө Стаота Яаснатай буюу балар эртний Хуультай хөг нийлүүлдэг юм. […] ‘Стаот’ гэдэг нь ГЭРЭЛ БА АЯЛГУУНЫ хэл бөгөөд энэ оршихуй дээд сүнстэй хамгийн сайн холбогдоход тусалдаг.”

~ Др. Эрвад PhD. Хошан Ж. Бхадха